أخوتي أعضاء المنتدى الحبيب
أدعوكم لمتابعة مسرحية ( طريق المعجزات ) وهي مسرحية كتبتها من عدة سنوات
وأدعوكم اليوم لقرأة الصفحة الأولي ... ويارب تعجبكم
(
طريق المعجـــزات )
عنبـة وبلحـة وتينـة
في غرفة بسيطة من التراث القديم .. بها مصطبة عليها بعض من القش وسجادة
قديمة.. وحصيرة بجوار الباب علي الأرض وبجوارها أناء فخارى ( الزير ) فوقه غطاء
خشبي وكوز لشرب المياه وعلي أحد حوائط الغرفة رف صغير عليه مصباح زيت للأنارة ...
وفي وسط الغرفة تقف ثلاث فتيات تتراوح أعمارهم من خمسة الي سبع سنوات ويلبسن ملابس
قديمة وبالية وشعور رؤسهم غير مسرحة ويحكوا مع بعض القصص والروايات والضحكات
البريئة ..وتتقدم الي الأمام
عنبـه : أنا أسمي عنبه وأبويا الكرام
( تقف من كانت عن يمين
عنبه )
بلحـه :ياسلام .. ياسلام طيب ما
أنا أسمي بلحه وأبويا نخلة
( تقف من كانت علي يسار
عنبه )
تينـه : دى بقت شغلة ولا شغلة ... ما أنا أسمي تينه ومش تخينه
وأبويا أسمه شجرة
( يضحكون ثلاثتهن ضحكة الأطفال
البريئه )
عنبـه : ( توجه الكلام الي الناس )
أنا عنبه وكمان بلحه وتينه أتولدنا بعد بعد مايسوع أتولد بربع
قرن كامل
تينـه : ( وهي اكبرهم ) آه يا
أروبه ... عنبه قصدها خمسة وعشرين سنة .. آه منك !!!
بلحـه : ( وهي أوسطهم ) أصل خالها
كان راعي من رعاة المزود ... وأكيد سمعت منه كثير
عنبـه : ( وهي تضحك ) صح صح ..
خالي حكالي لما جه الملاك وكلمهم عن المسيا وبشرهم
خالي كان أسرع واحد في
الجرى ... راح بسرعة علي المزود
الخـال : ( تظهر قصة الراعاة والملاك يبشرهم ( بروجيكتور ) علي أحد الحوائط
)
ا الـراعـاة فرحـوا بهـذا الكـلام
ل للمـزود ذهبـوا وصـدقوا الأحلام
ر رأس طفل شاهدوا جميل وله أبتسام
ع علي الفور سجدوا لملك هـو غلام
ا آمنـوا ونـادوا وسابقـوا الأيـام
ة هتفوا بشروا بمجيء رئيس السلام
بلحـه : ( في فرح ) هيه ... هيه
... أيه الحلاوة دى
تينـه : ( في تلهف ) عنبه عنبه هو
خالك قالك حكايات كتير
عنبـه : ( في تقل ) أيوه خالي قالي
حكاوى كتير قوى
تينـه : ( في لهفة ) طيب ما تقولي
كمان حكاية ؟
بلحـه : ( في أستعطاف ) أيوه
ياعنبه وحياتك ... علشان خاطرى
عنبـه : ( في تقل وتأني ) أقولكم
أيه .. أحكيلكم أيه ... أيوه أفتكرت .. بعد يوم ولا أتنين راح
للمزود جماعة ... أسمهم
... أسمهم ... أيوه أسمهم الما .. الماجوس
بلحـه : ( في أستعجال ) ها ..
وبعدين .. أيه الي حصل ومين المجوس دول
عنبـه : ( بعد تفكير ) الماجوس
...كانوا تلاته
الخـال : ( تظهر حكاية الماجوس وهم
في المزود (بروجيكتور ) مع صوت الخال )
ا أيام هيـرودس الملـك من المشـرق أتـي الماجـوس
أتمني أن تكون عجبتكم والي اللقاء في الغد مع الصفحة التالية
موضوع: طريق المعجزات 
