عاوز ارتبط!!!

موضوع: عاوز ارتبط!!! الثلاثاء يناير 18, 2011 4:04 pm

كتير بسمع من شاب أو فتاه أنهم عاوزين يرتبطوا
فكرة الارتباط فى حد ذاتها هى اللى بتستهويهم
مفيش شخص بعينه .. هى بس الفكره
عاوز ارتبط
تفتكروا ده غلط ؟؟؟
بصوا فى سن بيكون فيه طبيعى جداا أننا نحس بميل للجنس الاخر والميل ده فى حد ذاته طبيعى
ومش خطيه ابداً أننا نحس بده لانه جزء من نمو نا النفسى والاجتماعى
طيب ليه الميل ده ربنا وضعه جوانا؟
علشان يبقى عندنا القدرة أننا نتعامل مع الاشخاص من الجنس الاخر ونتعامل معاهم فى صورة جماعيه فى النور ومش بصورة شخصيه ولا فرديه
التعارف
والتعامل ده مفيد لنفسيه الولد والبنت وبيخلينا نكبر صح ويخلينا نقدر
نتفهم طبيعه الجنس الاخر اللى بيبقى مختلف عنك فى امور كتيره
ونقدر نعتبر المرحله دى من العمر اعداد للزواج
بس مانقدرش نقول ان المشاعر اللى بنحسها فى الوقت ده انها احتياج حقيقى للزواج
لان
المرحله دى بيكون فيها لغبطه كتير ومشاعر بتتغير بسرعه وبيكون كمان فيها
خبرة قليله بالعالم المحيط بينا ولو اخترنا شخص نرتبط بيه فى الوقت ده
غالبا الاختيار بيكون خاطىء او مش بيكمل
لاننا بنتغير بسرعه ولانه فعلا مش بيكون ده احتياجنا الحقيقى
المرحله دى بيكون احتياجك لوجود اشخاص من الجنس الاخر فى حياتك بصورة عامه ولما بنعديها صح ونكبر شوية
بندخل فى مرحله تانيه بتبقى فيها محتاج لوجود شخص معين فى حياتك ترتبط بيه
طيب ليه مايكونش مثلا سن 18 سنه هو السن اللى ينفع ترتبط فيه؟
لانك هاتتغير بعد شوية
والاهم من كده انك لسه شكل حياتك وشكل حياه الشخص اللى ممكن تختاره بيبقى غير واضح المعالم
كمان
الارتبط بشخص واحد ليه التزامات كتيرة قوى وغالبا الالتزامات دى بتتحول
لعبء وتقل على الطرفين لو اتحملوها فى سن صغير وده بعد شوية بيخنق الحب لو
كان موجود
ومانقصدش هنا الالتزامات الماديه فقط لانه يمكن تقولى انك مستعد ماديا
بس فيه التزامات تانيه اهم لان الجواز مش فلوس وبس فيه التزامات نفسيه وروحيه واجتماعيه
ليه ممكن تتحول الى حمل
لان الطرفين بيكونوا فى سن محتاج الانطلاق والانفتاح على الحياه وعلى اشخاص كتير
لكن وجود شخص واحد ان مرتبط بيه غالبا بيحد حركتى فى الدنيا وتعاملاتى مع الناس لانى لازم اكون مع الشخص اللى ارتبطت بيه
ونتيجه كده غالبا باكبر وفيه حتت مهمه فى شخصيتى ماتكونتش او ماتبنتش صح
او
اضطر اخد قرارت تأثر على مستقبلى زى انى ابقى عايز اشتغل بسرعه وبفلوس
كتير ومش شرط يكون ده الشىء اللى انت محتاجه لاجل نموك النفسى والروحى

طيب ليه الفكرة بتكون ضاغطه كده

ممكن مثلا اكون محتاج للحب او القبول او الانتماء لكيان ما او لتحقيق ذاتى

يعنى وانا مش متجوز اتخيل انى لو اتجوزت مشاكلى هاتتحل واستريح او لما اشتغل او لما اجيب اطفال او يمكن لو عندى فلوس اكتر
وغالبا ده بيبقى حرب من ابليس علشان نتشتت ونحس اننا ماينفعش نفرح ونرتاح فى الوضع اللى احنا فيه
لكن المسيحى اللى بجد ينفع يفرح ويشبع فى اى وضع هو فيه
فكر ازاى تفرح باللى انت فيه ده هايساعدك

وده بيسموه الاحتياج الوهمى

جرب تشبع بربنا اكتر
ويكون ليك علاقات نقيه وسويه مع ناس كتير من الجنسين بصورة جماعيه
اسال نفسك انا ايه فعلا اللى محتاجه دلوقت من جوايا
فكر ازاى تفرح وتشبع باللى عندك وبالوضع اللى انت فيه لان كل وقت وكل وضع بيكون فيه حاجات حلوة قوى تفرح وتشبع
ولما بيعدى الوقت ده مش بينفع انك ترجعه تانى ولا تفرح باللى فاتك
1- علشان تضارب الاحتياجات وعدم تمييزها -- يعنى غالبا انت محتاج حاجه تانيه بس انت مش قادر قوى تميزها فبتشوف انها احتياج للارتباط
2 - لان الانسان عاده لما بيكون عنده مشكله بيدور على ايه اللى ناقصه وبيتخيل ان ده هو حل مشكلته
3- ساعات الضغوط اللى حوالينا من الناس او من الميديا -- التليفزيون والاعلام -- بتحسسنا اننا فى مشكله لانى مش مرتبط او مش مصاحب حد
كلمه اخيره أحب اقولها لكل أخواتى
عيشوا حياتكم بس بطريقه صح وأعرفوا أن لكل خطوه فى حياتنا أوان يعنى متستعجلوش

ارجو التثبيت

اللة يا انكل مينا على افكارك الجديدة

شكرا انكل جورج لمرورك

ربنا يباركك

لا بصراحة يا انكلى جميلة اوى

شكرا يا بولا لمرورك

ربنا يباركك

انت يا انكل مينا محدش بيعرف افكارك
انت يا انكلى محدش عاف قيمة هنا فى البلد

ههههههههه ايه يا انكل جورج اللى بتقوله دا
ع العموم شكرا كتير يا باشا

على اية يا انكلى انت باشا
وشكرا على مرورك فى المنتدى

» لو عاوز تعرف معني الحب
» لو عاوز تعرف معني اسمك ادخل